ماهي الاجاكس (ajax) وكيف كان الويب بدونها

ماهي الاجاكس (ajax) وكيف كان الويب بدونها

زمان قبل ابتكار تقنية الاجاكس
(ajax)
 كان لما المستخدم يرسل طلب كان المتصفح لازم يعمل ريفرش يعني تخيل وانت بتتكلم مع حد وحابب تبعت رساله لازم تروح لصفحة تانية او المتصفح يعمل ريفريش على الرساله علشان توصل بنجاح يعني معاناة بمعني الكلمة المهم فكروا في فكرة تمحي المعاناة دي وهي عن طريق ارسال البيانات في الخلفية من غير اي شوشرة للمستخدم وهنا ابتكروا الاجاكس وهي مبنية على جافا سكريبت و
XML وHTML
 ومن هنا بدأ عصر جديد للويب عصر التطور يعني زمان الويب كان بيتكون من عدة صفحات والمستخدم يتنقل بينهم لكن حاليا لا حاليا الويب بقى عبارة عن تطبيق لسطح المكتب يعني زي البرامج العادية على الكمبيوتر تخيل مثلا الفيسبوك تقدر تعمل اي حاجه وانت داخل الصفحة تطور رهيب مش كده المهم ظهر شوية عيوب بسيطة وهي ان متصفح انترنت اكسبلولر مش بيدعم الاجاكس ولازم مكتبات حجمها كبير نسبيا وكمان شوية عيوب بسيطة وده ادى لقلق بعض المبرمجين نظرأ للتطور الجافا سكربت الرهيب المهم التقنية دي بتستعمل
XmlHttpRequest
علشان تفتاهم مع السيرفر يجي واحد يسأل يعني الجاكس مش هتشتغل غير في وجود السيرفر ارد عليه بكل صراحه واقوله نعم لازم يكون في سيرفر او محاكي سيرفر زي
xampp
 وبعد السيرفر ما يعمل الشغل بتاعه بيبعتلك الخلاص بصيغة
xml ,html
 علشان حضرتك تستخدمها في الموقع وهنا بقى هنحتاج الجافاسكربت لاننا من غيرها النتيجة دي ليس لها اي قيمة طيب ليه يا عم لان الطريقة الوحيده علشان تحط المعلومات دي بشكل ديناميكي هي باستخدام الجافاسكربت يعني مثلا تقدر تحط المعلومات في div
 معين او او الخ..
واول شركة اسنخدمت الكلام ده كله شركة جوجل المهم نحمد ربنا 
علق بتم واعمل متابعة علشان يوصلك المزيد ان شاء الله ♥

التعليقات
  • فيس بوك
  • ايجيبوك
شارك باول تعليق
قم بالتسجيل اولا