الهجرة العشوائية الى امريكا 2019 تفتح باب التسجيل: طريقة التقديم

Mohamed Ashour

منذ 92 يوم

الهجرة العشوائية الى امريكا 2019 تفتح باب التسجيل: طريقة التقديم

الهجرة الي امريكا التقديم 3-10-2018 مجاني.

كلنا سمعنا بهجرة أمريكا USA العشوائيه بس إيه خطوات التقديم الصح؟وهل تستاهل؟ ولو كسبت تعمل إيه ؟

الأول هل الموضوع يستاهل ؟ طبعا لإنه مجاني و بيمهد للجنسيه وهتضمن تعليم جيد مجانا –دعم صحي و نقدي وسكن طبقا للولايه - فرص عمل وبيزنس .

وعشان دخلنا فالجد وباقي أيام فده شرح مترجم لخطوات التقديم مجانا بدون شرط لغه / مالي . بس صوره مقبوله وشهادة الجيش والثانويه ( عام/دبلوم ) .

التقديم إدخل الموقع الرسمي:
https://www.dvlottery.state.gov 
بين 3 أكتوبر إلي 7 نوفمبر وممكن تبقي من 50 الف فائز.

الصوره : خلفيه بيضاء- حديثه– 5×5– 600*600 بيكسل – الوجه والأذن واضحين – الحجاب لا يخفي ملامح الوجه – الرأس مستقيم – بلا مكياج أو فوتوشوب - بلا نظاره أو عدسات ملونه. 
روح لأي إستديو وهو عارف صورة القرعه وخليه يبعتها عالميل أو ميموري إختبر الصوره هنا الأول
http://travel.state.gov/content/visas/en/general/photos.html

حضرتك بقا لو متجوز وعندك اولاد هيبقا هتحتاج صورة 5 فى 5 للزوجتك ولكل واحد من الاولاد خلفيه بيضاء.
الاولاد الى فوق 21 ممنوع اضافتهم مع الاب او الام ولو عندك ولد او بنت معاها الجنسيه الامريكيه مش هتذكرها فى التقديم ولا مطلوب صور لها.

شروط التقديم:
ان يكون عمر المتقدم 18 سنة وقت المقابله.
ان يكون حاصل على مؤهل متوسط او شهاده خبره 4 سنوات فى اي مجال.
ان يكون المتقديم حاصل على شهادة تأدية او أعفاء موقت أو تأجيل من التجنيد.
لو انتا سنجل ( مش متجوز ) ونجحت هتحتاج 550$.

لاللغه والضمان المالي : التقديم مجاني بس لو كسبت وهتسافر الموضوع هيكلفك 550$ للفرد رسوم المقابله بالسفاره والجرين كارد 330$ فى الاول ولو عديت من المقابله بتدفع 220$.
بس مش محتاج ضمان مالي بالبنك أو كفيل يضمنك هناك ( هتحتاج عنوان للمراسلات بس ).
اللغه مش شرط للتقدم و ممكن تطلب المقابله بالعربي.
هتلاقي شغل في مجالات مش بتشترط لغه زي توصيل الطلبات و المطاعم لحد متوفق وضعك وتشتغل في مجالك.
أسباب الرفض : إنك تقدم أكتر من مره بإسمك ( ممكن الزوجين يقدموا طلبين مره الزوج رئيسي والتاني هي رئيسي وهو مرافق ).
تدخل بيانات مغلوطه بالطلب الأصلي زي عدم كتابة الزوجه والأولاد - إنما المقابله والكشف الطبي سهلين جدا .
الخطوات هي : تقدم وتحتفظ برقم الطلب.
تشوف النتيجه بالرقم اللي معاك. 
لو كسبت هيطلعلك رقم ملف بيه موقع الهجره لحد ميظهر رساله تطلب تبعت أوراقك لعنوان هيدهولك.
بعد متبعت الأوراق هتابع موقع الهجره لحد ميظهرلك ميعاد المقابله.
تروح الكشف الطبي وتاخد ظرف النتيجه مع صورة الأوراق للسفاره.
+المقابله واصدار التأشيره والسفر خلال 6 شهور.

الأوراق : صورك وصور جواز السفر + شهادات الميلاد تترجم في وزارة الصحه بالتحرير.
شهادات الزواج وفيش وتشبييه دول بيترجموا من وزارة العدل في التحرير.
شهادة الثانوي مترجمه من الاداره العامه للامتحانات القصر العيني.
شهادة الجيش مترجمه من مركز اللغات بالقوات المسلحه بالقبه.
شهادة الجامعه إن وجدت مترجمه من أمانة الجامعه عندك.

السفر : لو كسبت مفروض تسافر الأول قبل أسرتك لحد متستقر وتبعتلهم.
يفضل تبدأ بمدينه لك حد فيها أو مدينه كبيره زي نيويورك فيها سكن وشغل ومواصلات و جاليه مصريه وبرامج دعم للمهاجر الجديد.
بعدين تقدر تنقل منها لأي مدينه وبرشحلك سان فرانسيسكو - سياتل - أوستن - دالاس- واشنطن – بوسطن .

التعليقات
  • فيس بوك
  • ايجيبوك
شارك باول تعليق
قم بالتسجيل اولا